mir wundrt, ass nou nia a baur af di ide kemman isch, mit an sakkl liri aft wiis aussi za gian, und, jo fa mia aus holt indr vollmoun nocht vour oaschtrn, magari aa der vour wainocht, i bin kuan schpiritischt der des wissn kannat, und gelt gsaant hott. wos dein hotts gebm, jo wou denn, wissat gearn mear ibr dein mensch. und der nor hort gwortat hott, ass holt endla der baam aufgeat und in herbascht stott blattlan papiargelt trogg, und stott di epfl holt di minzn. nor hootr sich gmiasst schlainan ban klaubm, ass jo nit doi plattlan gelb wearn, hemm isch holt nix mear, und ass nit di minzn faul wearn.
gonz sou kimmp mr des fir, wenn i do des olz siich. bol jedr zanti grund weard kandlt as waratn eilwassr druntr, magari sain bol olla oungchtellte ba schell und exxon. wos miar it in schedl innigeat iscvh, wia tian di ondrn, dei kuane baam hobm, wou si kennan di schainlan und di minzlan oaurklaubm. wia tian an eppr dei. rennan dei olle in sunnaberg aui, und sezzn di minzn wia di eardtepfl in boudn inni? wou di nor wurzln schlogn und di nuin minzn droun hengn hobm?
des geat eppr nou nit, obr tian tians olla as wia wenn. wia di baam nit waitr aui wogxn, as si schun tian, kennan t'lait a nit mear liri, hait sains holt euro, aussr ruckn, as si holt hobm. dr rescht sain auflaicharaian, dei holt irgatwenn amol za vil wearn.
a wenns niamat glabb, glet isch lai a schtikl papiar, wou eppas auidrukt isch, wenn dr ondre nit droun glabb, as des epps wert isch, nor ischas nix wert. und wenn hundrt moll a poor nulln oubm schtian. soulongs holt geat mlcht a jedr di kua, soulong si holt milch gibb. jo, obr wos nochr? wos wenn nimmr. hott do schun mol uanr dribr nochdenkt. i glaab nit.
Keine Kommentare:
Kommentar veröffentlichen